1.240 nemendur í Reykjavík
tóku prófið, í 26 skólum. Í Hvassaleitisskóla tóku 29
nemendur þátt.
PISA prófið er ekki
einstaklingspróf heldur er það notað til að bera saman
fjölmenna hópa fyrst og fremst. Þegar fámennir hópar eru
bornir saman er staðalvillan í mati á meðaltalinu há. Skólar
eru misfjölmennir og því er staðalvilla meðaltals þeirra
mismikil. Hér eru notuð 90% öryggismörk og gefin upp óvissa
skólans með +/- merki. Hér er aðeins tekin afstaða til stöðu
skólans útfrá því hve margir skólar hafa meðaltal marktækt
annað en skólinn.
Meðaltal skólans í
náttúrufræði er 526+/-24 stig (með 90% vissu). Það er
marktækt hærra en meðaltal 11 skóla í Reykjavík (með 90%
vissu). Skólinn er meðal fjögurra efstu skólanna í Reykjavík
sem hafa marktækt hærra meðaltal en 11 skólar með lægra
meðaltal, þeir hafa áberandi hæstu meðaltölin í Rvk. Þeir
eru einu skólarnir í Rvk marktækt yfir OECD meðaltalinu sem
er 500 stig.
Meðaltal skólans í
lesskilningi er 511+/-24 stig (með 90% vissu). Það er ekki
marktækt frábrugðið OECD meðaltalinu sem er 500 stig. Það er
marktækt hærra en meðaltal 6 skóla í Rvk en tveir aðrir
skólar hafa meðaltal sem er marktækt hærra en hjá 8 og 11
skólum. Ef reiknað er með hve margir skólar eru með marktækt
lægra meðaltal er skólinn því þriðji í röðinni.
Meðaltal skólans í stærðfræði
er 525+/-24 stig (með 90% vissu). Það er marktækt rétt fyrir
ofan OECD meðaltalið sem er 500 stig. Það er marktækt hærra
meðaltal en í 5 slökustu skólunum í Rvk. Fjórir aðrir skólar
hafa marktækt hærra meðaltal en 6-10 skólar.
Þegar meðaltal
Hvassaleitisskóla er borði saman við meðaltöl annarra skóla
í Reykjavík er staða skólans á heildina litið mjög góð.
Enginn skóli í Rvk hefur marktækt hærra meðaltal en
Hvassaleitisskóli í greinunum þremur. Staða skólans er
einna best í náttúrufræði og þar er meðaltal hans marktækt
hærra en meðaltal Rvk. En skólinn er einnig meðal efstu
skólanna í Rvk í lesskilningi og stærðfræði.
Meðfylgjandi er svo tafla með
meðaltölum skólanna og meðaltal og staðalvillu
Hvassaleitisskóla.