Faxaflóahafnir og sjávardýrasafn Fjölskyldu– og húsdýragarðsins standa fyrir sjóferðum um Sundin fyrir 6. bekk. Fimmtudaginn 27. maí fór 6. G í eins og hálfs tíma sjóferð um sundin.  Markmiðið er að gefa nemendum kost á að kynnast umhverfi Reykjavíkurhafnar og lífríki sjávar í Sundunum. Við fórum í rútu niður að höfn og aftur til baka. Nemendur voru flestir vel klæddir og nutu ferðarinnar til hins ýtrasta. Þeir mældu hitastig sjávar, seltustig, sjóndýpt, fræddust um lífverur sjávarins og vistkerfi hans.

Hin árlega vorferð 10. bekkinga í Hvassaleitisskóla var dagana 25. – 26. maí. Brugðið var út af vananum , ekki var farið út á land að þessu sinni heldur hélt hópurinn sig allan tímann í Reykjavík í frábæru veðri. Farið var með strætó í Grafarvoginn og stefnan tekinn á Skemmtigarðinn , þar var farið í Lazer tag og Paint ball og virtust allir skemmta sér hið besta. Því næst var farið í Laugardalslaugina og svo borðað í veitingahúsinu Laugaási.

Nemendur  7. G dvöldu  í skólabúðum að Reykjum í Hrútafirði vikuna 17. – 22. maí.
Ferðin gekk í alla staði vel og voru nemendur til fyrirmyndar.

 Á kvöldin voru kvöldvökur með skemmtiatriðum bæði frá nemendum og starfsfólki.

Margir eignuðust nýja vini enda margir skemmtilegir krakkar úr Myllubakkaskóla í Reykjanesbæ og Borgarhólsskóla á Húsavík sem dvöldu með þeim að Reykjum.

Hér eru myndir frá dvölinni.