Hanna Birna Kristjánsdóttir, borgarstjóri, opnaði tíu nýja hverfavefi á slóðinni www.hverfidmitt.is í gær. Viðburðurinn fór fram í Grundargerðisgarði við Grundargerði í Háaleitis- og Bústaðahverfi. Þar hefur verið sett upp nestisaðstaða í samræmi við val íbúa í rafrænni íbúakosningu undir yfirskriftinni „Kjóstu verkefni í þínu hverfi“ í desember sl. Aðrar framkvæmdir sem urðu fyrir valinu í kosningunni fara fram í sumar og haust.
Markmiðið með þessu verkefni er skýrt og snýst um það eitt að bæta nærþjónustu við íbúa og gefa þeim enn fleiri tækifæri til þátttöku í ákvörðunum sem snúa að þeirra hverfum.
Á hverfidmitt.is er að finna gríðarlega miklar upplýsingar fyrir íbúa. Endilega kíkið á vefsíðuna http://www.hverfidmitt.is og kynnið ykkur þessa glæsilegu hverfavefi.

Reykjavíkurborg hefur í varúðarskyni virkjað viðbragðsáætlanir sínar í samræmi við ákvarðanir Almannavarnarnefndar höfuðborgarsvæðisins, jafnvel þó að hverfandi líkur séu á að öskufall verði á höfuðborgarsvæðinu að mati Veðurstofu Íslands. Er það gert til að tryggja viðeigandi vöktun og undirbúning í ljósi eldgossins í Eyjafjallajökli. Heilbrigðiseftirlit Reykjavíkur fylgist náið með loftgæðum og vatnsbólum borgarinnar og sendir frá sér viðvaranir og leiðbeiningar ef ástæða þykir til. 

Sérstaklega er fylgst með gangi mála í skólum og leikskólum borgarinnar. Upplýsingar um viðbrögð þeirra vegna hugsanlegs öskufalls er að finna á www.menntasvid.is og www.leikskolasvid.is.

Að vekja athygli á því sem vel er gert

Foreldraverðlaun

Heimili og skóli – landssamtök foreldra óska eftir tilnefningum til Foreldraverðlauna 2010 frá einstaklingum, félögum eða hópum sem vilja vekja athygli á vel unnum verkefnum, sem stuðla að eflingu skólastarfs og jákvæðu samstarfi heimila, skóla og samfélagsins. Verðlaunin verða afhent í 15. sinn við hátíðlega athöfn í Þjóðmenningarhúsinu þriðjudaginn 1. júní kl. 15:00.

Með afhendingu verðlaunanna er vakin athygli