Skólaþing  nemenda  í 8.-10. bekk var haldið í skólanum 8. og 9. apríl

Skólastjóri kynnti  stefnu skólans, ræddi um  fjölbreytni í einstaklingsmiðuðu námi , skilvirkni og gæði í skólastarfinu, félagsfærni  og sjálfsöryggi nemenda.      

Markmið skólaþingsins er að fá nemendur til  virkrar þátttöku  í stefnumótun og   þróun  annarra málefna  skólans.

Nemendur unnu í hópum og svöruðu eftirfarandi spurningum.
1. Hvað gerir góðan skóla að betri skóla ?
2. Hvernig geta fulltrúar nemenda í skólaráði og nemendaráði stuðlað að fjölbreytni í skólastarfi  ?
Skemmtilegar umræður voru í hópunum.  Nemendur voru mjög virkir og niðurstöður fjölbreyttar og  verða þær birtar síðar.  

Hefð hefur skapast fyrir því að nemendur spili páskabingó í skólanum síðasta dag fyrir páskafrí. Unglingadeildin spilaði sitt bingó í skíðaferðinni sem farin var í byrjun vikunnar en aðrir nemendur föstudaginn 26. mars.
Foreldrafélag skólans gaf vinningana í ár og þökkum við þeim kærlega fyrir.                                        

Eftir páskaleyfi  fjölgar þeim starfsmönnum skólans sem verða úti á skólalóð í frímínútum við gæslustörf.

Nú þegar sól hækkar á lofti bregður við að nemendur koma á  hjólum í skólann. Við viljum ítreka að bannað er að vera á hjólum á skólalóð á skólatíma og að skólinn ber enga ábyrgð á hjólum nemenda.

Sjáumst heil þriðjudaginn 6. apríl.

Meðfylgjandi eru myndir frá páskabingóinu.

Gleðilega páska.
Starfsfólk Hvassaleitisskóla.

Úrslit Stóru upplestrarkeppninnnar  í  hverfi  Laugardalur/Háaleiti fóru fram  þriðjudaginn 23. mars  í Grensáskirkju. Markmið keppninnar er að vekja athygli og áhuga á vönduðum upplestri og framburði.  Keppendur voru 14 og komu úr eftirtöldum skólum: Álftamýrarskóla, Breiðagerðisskóla, Fossvogsskóla, Hvassaleitisskóla, Langholtsskóla, Laugalækjarskóla og Vogaskóla.

Fyrir hönd Hvassaleitisskóla kepptu þær Inga Guðrún Eiríksdóttir og  Halla Hauksdóttir   sem jafnframt hlaut fyrstu verðlaun. Við óskum Höllu til hamingju með sigurinn og erum ákaflega stolt  af stelpunum.