Nemendur í  7. bekk hafa verið að æfa upplestur og framsögn  á undanförnum vikum, sem er m.a. liður í undirbúningi fyrir Stóru upplestrarkeppnina sem  haldin er ár hvert. Nemendur heimsóttu m.a. eldri borgara í Hvassaleitinu og lásu fyrir þá sögur. Nemendur  nutu mjög þessarar heimsóknar því viðtökur voru með eindæmum góðar.

Forkeppnin fór fram í safnaðarheimili Grensáskirkju  12. mars og þeir  keppendur sem valdir voru fyrir hönd skólans í aðalkeppnina voru:  Halla Hauksdóttir og  Inga Guðrún Eiríksdóttir  og til vara Eyþór Gunnlaugsson.

Við óskum þeim til hamingju með árangurinn.

Aðalkeppnin fer  fram í Grensáskirkju  þriðjudaginn 23. mars kl 15:30. Þá  mæta fulltrúar allra skóla úr hverfi 2 í Reykjavík.

Undanfarnar tvær vikur hafa þrír kennaranemar  verið hjá 7. G
Þeir  heita Elínborg, Harpa og Þorleifur.  Nemarnir kenndu krökkunum um Tyrkjaránið í fyrri vikunni  en í þeirri síðari var unnið í hópum að veggspjöldum.  Þetta var skemmtilegur tími  og  með því að smella á myndina hér til hliðar má sjá myndir  frá starfinu.

Miðvikudaginn 10. mars fór 1. bekkur í heimsókn í Gerðuberg. Þar fengu þau að fylgjast með og taka þátt í dagskrá um krumma. Bekkurinn var búinn að undirbúa heimsóknina með því að búa til krummagrímur og æfa nokkur krummalög. Þau voru dugleg að taka undir í söngnum og stóðu sig vel í alla staði.

Þriðjudaginn 9.mars fór 9.bekkur  í heimsókn á Þjóðminjasafn Íslands.  Þar fengu þau fræðslu um tækninýjungar á 20.öldinni og fengu að skoða ýmsa muni sem tengjast  þeirri öld.   Ferðin var liður í sögukennslu í 9.bekk  en þar eru nemendur einmitt að lesa um og kynna sér þær framfarir sem orðið hafa á Íslandi á 20.öldinni.  Nemendur voru mjög áhugasamir og voru sjálfum sér og skólanum til sóma.   Smelltu á myndina til að sjá fleiri myndir.